2017 DEC +2 TAMIL 2nd PAPER HALFYEARLY EXAM KEY ANSWER

வாழுங்கவிஞர்கள்......

வாழுங்கவிஞர்கள்......
=======================

கவிதைகளைப்போலவே
கவிஞர்களுக்கும்
என்றுமே மரணமில்லை......
அவர்கள் இறந்தபின்னரும்
வாழ்கிறார்கள் என்பதை
அறிந்ததும் அரண்டுபோனேன்.
ஆம்,
பிளஸ்டூ பொதுத்தமிழில்
சுரதாவும், அப்துல் ரகுமானும்
2017 பதிப்பில்
இன்றும்
'வாழுங்கவிஞர்களாய்' ......

கொடியேற்றம்

கொடியேற்றம்
=============

சிறைசென்று
மீண்டவர்களால்
ஏற்றப்பட்டு
கொண்டாடப்படுகிறது
இந்தியவிடுதலைக்கு
முன்னும்  பின்னும்
தேசியக்கொடி.

இதற்கா அவ்வளவு ஊதியம்?

2005 ஆம் ஆண்டு இந்த மேனிலை இரண்டாமாண்டு பொதுத்தமிழ் பாடநூல் அறிமுகமானது.

இன்று 2017.  பன்னீராண்டுகள் நிறைவெய்திவிட்டன. இதுவன்று நான் கூறவந்தது.

இளங்கலை - மூன்றாண்டு
முதுகலை  -  ஈராண்டு
கல்வியியல் - ஓராண்டு. ஆக, ஆறாண்டுகள் பயின்றவொருவர் அதன்பின் ஓராண்டுகழித்து பணியமர்ந்தாலும்,
தான் மேனிலையில் பயின்ற புத்தகத்தை ஐந்தாண்டுகள் கற்றுத்தருபவராகிறார்.

தான்படித்தபுத்தகத்தைக்கற்றுத்தருவதற்கு அரசுதரும் ஊதியம் எத்தனையாயிரம் தெரியுமா?(பிறபாடங்களுக்கும் இது பொருந்தும்)

வாழ்க தமிழாசிரியர்கள்!

யாரெல்லாம் நூலாசிரியர்கள்?

யாரெல்லாம் நூலாசிரியர்கள்? ============================

சமச்சீர்க்கல்வி - 1 முதல் 10 வகுப்பு அனைத்துப்- பாடப்புத்தகங்கள் எழுதிய நூலாசிரியர்கள், மேலாய்வாளர்கள், குழுத்தலைவர்கள் பெயர்கள் அந்தந்த பாடநூல்களிலிருந்து நீக்கப்பட்டு அச்சிடப்பட்டுள்ளன.         

     அவர்கள் பாடநூல் எழுதியதற்கான ஊதியத்தை பணமாகப்பெற்றிருப்பார்கள்.  ஆனால், அவர்களது -"CREATIVE" - படைப்பாக்கமின்றி  பாடநூல்  அதில் இடம்பெற்றுள்ள படங்கள், பயிற்சிகள் உருவாகியிருக்கமுடியுமா? 

அதேவேளையில், பன்னீராண்டுகளுக்கு முன்னெழுதப்பெற்று இன்றுவரையில் நடைமுறையிலுள்ள மேனிலைமுதலாமாண்டு மற்றும் மேனிலையிரண்டாமாண்டு பாடநூல்களில் அந்தந்தப்பாடப்புத்தகங்கள் எழுதிய நூலாசிரியர்கள், மேலாய்வாளர்கள், குழுத்தலைவர்கள் பெயர்கள் முறையாக அச்சிடப்பட்டுள்ளனவே?  அவர்களுக்குமட்டும் ஒரு நீதியோ?

கவிதை

பணமதிப்பிழப்பு
================

ஐநூறு    ஆயிரம்

ரூபாய்த்தாள்கள்

செல்லாதென

அரசு அறிவித்த

நடவடிக்கையால்

வெள்ளையாய் ஈட்டிய

என் ஊதியப்பணம்

பத்தாயிரம்

கருப்பாகிப்போனது........